अखिल नेपाल फुटबल संघ (एन्फा) का अध्यक्ष गणेश थापाले राष्ट्रिय लिगका लागि कतार फुटबल संघसँग ८
लाख डलर (करिब ७ करोड ६० लाख रुपैयाँ) को सहमति गरे पनि २ लाख डलर मात्र लिएको दाबी गरेका छन् ।बेलायतको द सन्डे टाइम्सका अनुसार एएफसीका उपाध्यक्षसमेत रहेका थापाले सन् २०११ सेप्टेम्बरमा कतार फुटबल संघका अध्यक्ष शेख हामद बिन खालिफा बिन अल थानी (कतारी राजपरिवारका सदस्य पनि हुन्) सँग राष्ट्रिय लिगका लागि ८ लाख डलरको चारवर्षे सहमति गरेका थिए । नेपालको राष्ट्रिय लिगको कुल बजेट ८ लाख डलर भएको र त्यो पूरै रकम कतार फुटबल संघले उपलब्ध गराउने सहमति भएको उक्त मिडियाले जनाएको छ ।
त्यस सहमतिअनुसार ८ मार्च, २०११ मा थापाले नजिव चिराकल (एएफसीका पूर्वाध्यक्ष मोहम्मद बिन हमामका सहायक) लाई पहिलो वर्षको रकम २ लाख डलर निकासा गरिदिन इमेल पठाएका थिए । त्यसको ४ दिनपछि बैंक खाता थापाले पठाएका थिए । बाँकी ६ लाख डलर पाए नपाएको सन्डे टाइम्सले कतै उल्लेख गरेको छैन । थापाले २ लाख डलर मात्र लिएको दाबी गरेको पनि उक्त मिडियाले लेखेको छ ।
थापाले लिगका लागि कतारले सहयोग गर्ने नेपालमा भने २०१२ सेप्टेम्बरमा मात्रै सार्वजनिक गरेका थिए । त्यो पनि सन् २०११ देखि १४ सम्मका लागि वाषिर्क ५० हजार डलरले कुल २ लाख डलर भएको पत्रकार सम्मेलनमा जानकारी दिएका थिए । विश्वकप आयोजनास्थल ब्राजिलबाट आइतबार मात्र स्वदेश फर्केका उनले २ लाख लिएको स्वीकारेका छन् । १९ वर्षयता निरन्तर एन्फाको नेतृत्व गर्दै आएका थापाले भने, 'नेपाली फुटबलको इज्जत फाल्ने कुनै काम गरेको छैन । मिडियामा आएका सबै कुरा भोलि (सोमबार) पत्रकार सम्मेलन गरेर स्पष्ट पार्नेछु । मैले सन्डे टाइम्समा जे प्रतिक्रिया दिएको छ, त्यही हो ।'
त्यस सहमतिअनुसार ८ मार्च, २०११ मा थापाले नजिव चिराकल (एएफसीका पूर्वाध्यक्ष मोहम्मद बिन हमामका सहायक) लाई पहिलो वर्षको रकम २ लाख डलर निकासा गरिदिन इमेल पठाएका थिए । त्यसको ४ दिनपछि बैंक खाता थापाले पठाएका थिए । बाँकी ६ लाख डलर पाए नपाएको सन्डे टाइम्सले कतै उल्लेख गरेको छैन । थापाले २ लाख डलर मात्र लिएको दाबी गरेको पनि उक्त मिडियाले लेखेको छ ।
थापाले लिगका लागि कतारले सहयोग गर्ने नेपालमा भने २०१२ सेप्टेम्बरमा मात्रै सार्वजनिक गरेका थिए । त्यो पनि सन् २०११ देखि १४ सम्मका लागि वाषिर्क ५० हजार डलरले कुल २ लाख डलर भएको पत्रकार सम्मेलनमा जानकारी दिएका थिए । विश्वकप आयोजनास्थल ब्राजिलबाट आइतबार मात्र स्वदेश फर्केका उनले २ लाख लिएको स्वीकारेका छन् । १९ वर्षयता निरन्तर एन्फाको नेतृत्व गर्दै आएका थापाले भने, 'नेपाली फुटबलको इज्जत फाल्ने कुनै काम गरेको छैन । मिडियामा आएका सबै कुरा भोलि (सोमबार) पत्रकार सम्मेलन गरेर स्पष्ट पार्नेछु । मैले सन्डे टाइम्समा जे प्रतिक्रिया दिएको छ, त्यही हो ।'
